ഡെറാഡൂൺ: ഉത്തരാഖണ്ഡിൽ ബസ് കൊക്കയിലേക്ക് മറിഞ്ഞ് അപകടം. അപകടത്തിൽ 36 പേർ മരിച്ചു. അൽമോറയിൽ ആണ് സംഭവം. കുട്ടികളുൾപ്പെടെ 40 ഓളം പേരാണ് ബസിൽ ഉണ്ടായിരുന്നത്. ഇന്ന് രാവിലെ 9:30 യോടെയാണ് അപകടം.
ബസിൽ ഇനിയും ആൾക്കാർ കുടുങ്ങിക്കിടക്കുന്നതായാണ് സംശയം. എസ് ഡി ആർ എഫ് സംഘങ്ങൾ രക്ഷാപ്രവർത്തനം തുടരുകയാണ്. അപകടകാരണം വ്യക്തമല്ല. ഗർവാലിൽ നിന്ന് കുമയൂണിലേക്ക് പോകുമ്പോൾ മാർച്ചുല എന്ന സ്ഥലത്തു വച്ച് ബസ് 200 മീറ്റർ താഴ്ചയിലേക്ക് മറിയുകയായിരുന്നു.
Discussion about this post