ഇന്ത്യയിലേക്ക് യാത്ര ചെയ്യുന്ന പ്രവാസികള്ക്ക് പുതിയ നിര്ദേശവുമായി സിവില് ഏവിയേഷന് അതോറിറ്റിയും സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സും. സുരക്ഷ വര്ധിപ്പിക്കുന്നതിനും വിമാനത്താവളത്തിലെ കാര്യക്ഷത ഉറപ്പാക്കുന്നതിനുമായാണ് പുതിയ നിര്ദേശങ്ങള്. യാത്രാക്കാരുടെ ലഗേജുകള് നിര്ദേശങ്ങള്ക്ക് അനുസൃതമാായിരിക്കണമെന്ന് അധികൃതര് വ്യക്തമാക്കി.
ഒരു ബാഗേജ് മാത്രം
അന്താരാഷ്ട്ര-ആഭ്യന്തര വിമാനങ്ങളില് യാത്ര ചെയ്യുന്നവര്ക്ക് ഒരു കാബിന് ബാഗേജ് മാത്രമെ അനുവദിക്കുകയുളളൂ. അധിക ബാഗേജുണ്ടെങ്കില് ചെക്ക് ഇന് ചെയ്യണം
വലുപ്പ-ഭാര നിയന്ത്രണങ്ങള്
ഇക്കണോമി അല്ലെങ്കില് പ്രീമിയം ഇക്കണോമിയില് യാത്ര ചെയ്യുന്നവര്ക്ക് 7 കിലോവരെയുളള ഒരു ബാഗാണ് അനുവദിക്കുക. ബിസിനസ് അല്ലെങ്കില് ഫസ്റ്റ് ക്ലാസ് യാത്രയാണെങ്കില് 10 കിലോവരെയുളള ഒരു ബാഗ് അനുവദിക്കും
ഏത് ക്ലാസിലാണ് യാത്രയെങ്കിലും കാബിന് ബാഗേജിന്റെ അളവ് ഇപ്രകാരമായിരിക്കണം. ഉയരം- 55 സെന്റിമീറ്റര് നീളം- 40 സെന്റിമീറ്റര് വ്യാപ്തി- 20 സെന്റിമീറ്റര്
2024 മെയ് 4 ന് മുന്പ് ടിക്കറ്റ് ബുക്ക് ചെയ്തവരാണെങ്കില് ഇളവുണ്ട്. ഇക്കണോമിയില് 8 കിലോ വരെ അനുവദിക്കും. പ്രീമിയം ഇക്കണോമിയില് 10 കിലോയും ബിസിനസ് ഫസ്റ്റ്ക്ലാസ് യാത്രയാണെങ്കില് 12 കിലോവരെയും അനുവദിക്കും.
വിമാനകമ്പനികള്ക്ക് അനുസരിച്ച് ബാഗേജ് പോളിസിയിലും മാറ്റമുണ്ടായേക്കും. എങ്കിലും അടിസ്ഥാനപരമായി ഈ നിര്ദേശങ്ങള് പാലിച്ചാവണം യാത്ര.
എയര് ഇന്ത്യ
ഒരു ബാഗേജ് മാത്രം അനുവദിക്കും. ഇക്കണോമിയില് 7 കിലോയും ബിസിനസ് ക്ലാസില് 10 കിലോയും
ഇന്ഡിഗോ
ഒരു കാബിന് ബാഗേജ് മാത്രം. പരമാവധി 7 കിലോ. മൊത്തം 115 സെന്റിമീറ്ററായിരിക്കണം അളവ്. നിബന്ധനകള്ക്ക് വിധേയമായി ലാപ്ടോപ് ബാഗ് 3 കിലോവരെ അനുവദിക്കും.
വിമാനയാത്രക്കാരുടെ എണ്ണത്തിലുണ്ടായ വര്ധനവാണ് നിര്ദ്ദേശങ്ങള് കര്ശനമാക്കാന് കാരണമായത്. വിമാനത്താവളത്തിലെ തിരക്ക് നിയന്ത്രിക്കാനും സുരക്ഷവര്ദ്ധിപ്പിക്കാനും ചെക്ക് പോയിന്റുകളിലെ കാലതാമസം കുറയ്ക്കുന്നതിനുമായാണ് ബാഗേജിലെ നിയന്ത്രണങ്ങള്. അവസാന നിമിഷത്തിലെ ആശയക്കുഴപ്പം ഒഴിവാക്കുന്നതിനും അസൗകര്യങ്ങള് ഒഴിവാക്കുന്നതിനും പുതിയ നിര്ദേശങ്ങള് പാലിക്കണമെന്ന് യാത്രക്കാരോട് അധികൃതര് അഭ്യര്ഥിച്ചു.
