ഹൈഡ്രജൻ പെറോക്‌സൈഡ് നെബുലൈസേഷനെ കുറിച്ചുള്ള സാമന്ത റൂത്ത് പ്രഭുവിൻ്റെ വിവാദ പോസ്റ്റിന് പിന്നാലെ സോഷ്യൽ മീഡിയയിൽ വിമർശനങ്ങൾ ഏറ്റുവാങ്ങി നടി നയൻതാര. ഹിബിസ്കസ് ചായ കുടിക്കുന്നത് “പ്രമേഹം, ഉയർന്ന കൊളസ്ട്രോൾ, ഉയർന്ന രക്തസമ്മർദ്ദം എന്നിവയ്ക്ക് സഹായകമാണെന്ന താരത്തിൻ്റെ പോസ്റ്റിൽ ലിവർ ഡോക്ടർ ഓൺ എക്‌സ് എന്നറിയപ്പെടുന്ന ഡോ സിറിയക് ആബി ഫിലിപ്‌സ് ചോദ്യങ്ങളുമായി രംഗത്ത്.
This is cinema actress Nayantara who has more than twice the following of the other actress Samantha miselading her 8.7 million followers on a supplement called hibiscus tea.
If she had stopped at hibiscus tea is kind of tasty, that would have been ok. But no, they have to go… pic.twitter.com/d1fQCohsGU
— TheLiverDoc (@theliverdr) July 29, 2024
വിമർശനങ്ങൾക്ക് പിന്നാലെ താരത്തിൻ്റെ സോഷ്യൽ മീഡിയയിൽ നിന്ന് പോസ്റ്റ് നീക്കം ചെയ്തു. ആരോഗ്യത്തെക്കുറിച്ചുള്ള ആയുർവേദ ക്ലെയിമുകളെക്കുറിച്ചും ഓൺലൈനിലെ തെറ്റായ വിവരങ്ങളെക്കുറിച്ചും എപ്പോഴും തുറന്നടിക്കുന്ന ഹെപ്പറ്റോളജിസ്റ്റായ ഡോ. ഫിലിപ്‌സ്, Hibiscus ടീയെക്കുറിച്ചുള്ള നയൻതാരയുടെ പ്രസ്താവനകൾക്കെതിരെ രംഗത്തെത്തി.
നയൻതാര പറഞ്ഞ ആരോഗ്യ ഗുണങ്ങളൊന്നും ശാസ്ത്രീയമായി തെളിയിക്കപ്പെട്ടിട്ടില്ലെന്ന് അദ്ദേഹം ചൂണ്ടിക്കാട്ടി. ഹൈബിസ്കസ് മക്രാന്തസിൽ നിന്ന് വ്യത്യസ്തമായി, ഹൈബിസ്കസ് സബ്ദരിഫ എന്ന പ്രത്യേക തരം ഹൈബിസ്കസിന് തെളിയിക്കപ്പെട്ട ആരോഗ്യ ആനുകൂല്യങ്ങൾ ഇല്ലെന്ന് അദ്ദേഹം വ്യക്തമാക്കി.
